![13 ikuskizun Kultura plazara! programaren eskutik](https://i0.wp.com/www.gazteberri.eus/wp-content/uploads/2024/06/02-Argazkia-Kultura-Plazara.jpg?fit=800%2C600&ssl=1)
Kultura Plazara! kultur programa Gasteizera itzuliko da uda honetan, uztailaren 2tik irailaren 5era bitartean, hiriko hainbat plaza eta gizarte-etxetan egingo diren doako 13 ikuskizun eskainiz.
Aipatu programaren xedea da adin guztietako pertsonei kultura hurbiltzea, dantza, txotxongiloak, magia, zirkua, antzerkia eta musika bezalako diziplina artistiko anitzekin.
Programa Gasteizko Udaleko Kultura Zerbitzuak antolatzen du, Eusko Jaurlaritzaren laguntzarekin, eta Euskadiko tokiko artista eta konpainien eta Katalunia, Asturias eta Balearretako gonbidatuen ikuskizunak eskainiko ditu.
Programazio osoa:
- Inaugurazio ekitaldia – Uztailak 2: Markeliñe konpainiaren ‘Art-Ilusio’, antzerki proposamena. Santa Maria plazan, 19:30ean.
- Uztailak 4: Capitán Maravilla Productions konpainiaren ‘Non Cras’, antzerkia. Konstituzio plazan, 19:30ean.
- Uztailak 9: D’es Tro konpainiaren ‘POI’. Zirkua. Zabalgana gizarte etxeko plazan, 19:30ean.
- Uztailak 11: Rojo Telón konpainiaren ‘Transir’, zirkua zuzeneko musikarekin. Lakuako gizarte etxean, 19:30ean.
- Uztailak 16: Tutik Clowns konpainiaren ‘Txaplin’, pailazoak. Euskaraz. Ibaiondo gizarte etxean, 19:30ean.
- Uztailak 18: Adrián Conderen ‘Check-out’, magia eta keinu-antzerki proposamen bat. Hegoalde gizarte etxean, 19:30ean.
- Uztailak 23: Eidabe konpainiaren ‘Gora bihotzak’, familientzako dantza-festa. Euskaraz. Judimendi gizarte etxean, 19:30ean.
- Abuztuak 22: M&A Swing Machine, kontzertua. Helduentzat. Arriagako parkeko anfiteatroan, 20:00etan.
- Abuztuak 25: Proyecto Larrua Hojarasca Danzaren ‘Shoot the Target’ eta ‘Le Petite Voiture 2.0’, dantza garaikide bi proposamen. Helduentzat. Judimendi Parkean, 20:00 eta 20:45etan.
- Abuztuaren 29: Zirkozaurre konpainiaren ‘Ardatzak’, zirkua. Santa Maria plazan, 19:30ean.
- Irailak 1: Cheek to Cheek, kontzertua. Helduentzat. Fray Zacarias kalean (Elur-zuloaren ingurua), 19:30ean.
- Irailak 3: Festuc konpainiaren ‘Adiós a Peter Pan’, txotxongilo proposamen bat. Salburuko gizarte etxean, 19:30ean.
- Irailak 5: Vitoria-Gasteizko TwoMuch Circus konpainiaren ‘Double Bill’, zirku eta antzerkia. Abetxuku kiroldegiko plazan, 19:30ean.