Azkuna Zentroko Mediateka Galeriak Alán Carrasco artista bisual eta ikertzailearen “Le due differenti fasi della tensione” izeneko obra hartuko du urriaren 1era arte. Lan hau egileak Erromako Espainiako Akademian bizi zenean garatu zuen, 2021ean.
Pier Paolo Pasolini (1922-1975) zinemagilearen jaiotzaren mendeurrena ospatzeko “100+1” izeneko instalazio hau “Tentsioaren bi fase ezberdinak” irudikatzen duen neoizko errotulu bat da. Lana zuzendari italiarraren “idazki kortsario” ezagunaren zati batean oinarritzen da. Lan horretan erabilitako tipografia egilearen Olivetti Lettera 22 makinaren erreprodukzioa da.
Atentatuak
1974ko azaroaren 14an, hil baino urtebete lehenago, Pier Paolo Pasolinik “idazki kortsario” ospetsua idatzi zuen, “Cos ‘è questo golpe? (“Zer da kolpe hau? Nik badakit”) Corriere della Sera egunkarian. Idazki horren izaera iragarlea nabarmentzeko, lan horrek Piazza Fontanako (1969ko abenduaren 12) eta Boloniako Estazio Nagusiko (1980ko abuztuaren 2) atentatuak aipatzen ditu.
Instalazio honi eskainitako gunean, bisitariek Pier Paolo Pasoliniren bibliografia eta filmografia kontsultatzeko aukera izango dute. Filmografia Mediatekan egongo da eskuragarri, eta pieza bera itzalita egongo da egun osoan, 16:37tik 10:25era bitarteko aldi espezifiko batean izan ezik. Keinu poetiko honen helburua eguneko argitasun txikieneko orduetan esaldi kezkagarria argitzea da.
Alán Carrascok Bartzelonako Unibertsitateko Arteen Historia eta Teoriako doktorego-programan eta Brandemburgoko Unibertsitate Teknikoko Arkitekturaren Historiako programan garatzen du bere doktorego-ikerketa. Bere ikerketan, ikonoklasia eta memoria kolektiboaren kontzeptuak aztertzen ditu, 1919ko Spartakusaufstand (Espartakisten altxamendua) zapuztutik 1989ko Berlingo Harresia erori arteko gertaera soziopolitikoetan oinarrituta.
