Normaltzat jotzen ditugun jokabide batzuk oso kaltegarriak izan daitezke etengabe errepikatzen badira. Horietako bat, adibidez, phubbing deritzon fenomenoa da, telefonoari inguruan ditugun pertsonei baino arreta handiagoa eskaintzean datzana. Nolabait, denok egon gara egoera horretan, bai “biktima” gisa, bai “egile” gisa.
Normalizatu dugun jokabidea izan arren, berriki egindako azterketek ondorioztatu dute phubbing-ak ondorio negatiboak izan ditzakeela gure harremanetan eta gure ongizatean.
Phubbing terminoa phone (telefonoa) eta snubbing (mespretxua) hitzen konbinazioaren ondorioa da eta pertsona batek, teknologia mugikorrari arreta emateagatik ingurunean dituen pertsonei ez ikusiarena egiteagatik definitzen da. 2007. urtean sortu omen zen fenomenoa da, hain zuzen ere telefono adimenduen agerpenarekin batera. Berehalako mezularitzarako aplikazioen eta sare sozialen hedapenarekin okerrera egin duen jokabidea da.
Nola eragiten du gure harremanetan?
Normalizatu dugun jokabidea izan arren, berriki egindako azterketek ondorioztatu dute phubbing-ak ondorio negatiboak izan ditzakeela gure harremanetan eta gure ongizatean. Horietako zenbait ikerlanen arabera, fenomeno horrek, bereziki, gure bikotekidearekiko harremanari eragiten dio. Zentzu horretan, phubbing-a gogobetetze txikiagoarekin eta depresioa izateko probabilitate handiagoarekin lotzen da.
Izan ere, gai horri buruz egindako zenbait azterketen arabera, elkarrizketa batean telefono bat edukitzeak (adibidez, mahai gainean bi pertsonaren artean) beste pertsonarekiko konexioan, gertutasun-sentimenduetan eta elkarrizketaren kalitatean eragiten du modu negatiboan.
