LUMAfest! Gipuzkoako gazte literaturaren eta gazte sorkuntzaren jaialdiaren hirugarren edizioa irailaren 12tik 14ra bitartean izango da Koldo Mitxelena Kulturunean. Gipuzkoako Foru Aldundiko Kultura Departamentuak antolatutako literatur ekitaldi honek hazkunde nabarmena izan du bere programazioan, aurreko edizioarekin alderatuta gaztelaniazko egile gonbidatuen kopurua bikoiztuz eta euskarazko saioak ia hirukoiztuz.
Pandemia garaian sortu zenetik, LUMAfest! jaialdiak gazte-literatura sustatzearen aldeko apustua egin du. Aurtengoa jaialdiaren hirugarren edizioa izango da eta hainbat idazle ezagun ekarriko ditu Donostiara: Megan Maxwell, Iria G. Parente, Selene M. Pascual, Amancay Gaztañaga, Urtzi Leonet, Katixa Agirre, Uxue Alberdi, Sandra Miró, Costa Alcalá eta Nando López, besteak beste. Jaialdiak hainbat jarduera programatu ditu, hala nola liburuen aurkezpenak, mahai-inguruak, aleen sinadurak eta literatur sarien banaketak.
Inaugurazioa
Jaialdia irailaren 12an, hasiko da, Karlos Aretxabaletak gidatutako eta Katixa Agirre eta Uxue Alberdiiprotagonista izango dituen mahai-inguruarekin. Euren bibliografiak berrikusiko dituzte eta gazteentzat interesgarriak diren gaiei buruz eztabaidatuko dute. Arratsalde horretan bertan, ELKAR argitaletxeak Amancay Gaztañaga eta Urtzi Leoneten euskarazko bi literatur nobedade aurkeztuko ditu.
Irailaren 13an, Iria G. Parentek eta Selene M. Pascualek, aniztasuna eta LGTBIQ+ eskubideak aztertzen dituzten gazteentzako eleberriengatik ezagunak, liburuak sinatzeko saio batean parte hartuko dute, eta beren azken eleberria aurkeztuko dute. Ondoren, Nando Lópezek “Algo más que sexo” lana aurkeztuko du, gazteen egungo arazoak jorratuko dituen trilogia baten lehen atala.
Irailaren 14an, Megan Maxwell autore ospetsuak Sandra Mirórekin hitz egingo du. Sandra Miró gazte literatura erromantikoko ahots berri bat da, generoaren irakurketa eta idazketan belaunaldien artean dauden desberdintasunei buruzkoa. Jaialdia Costa Alcalá bikoteak itxiko du, “Tejesombras, Los hijos del Errante” fantasiazko liburu berria aurkeztuz.
LUMAfest! jaialdiak, aurreko edizioetan bezala, gazteek literatur jardueretan parte har dezaten sustatzeko mikrokontakizunen lehiaketa bat ere hartuko du. Amancay Gaztañagak eta Nando Lopezek banatuko dituzte sariak, euskara eta gaztelania kategorietan, hurrenez hurren.
