Zabalik dago Ezkerraldeko Gazteria Zerbitzuek antolatzen duten ‘Gazte Artea Ezkerraldean’ erakusketa artistikoaren XII. edizioan izena emateko epea.
Bizkaiko Foru Aldundiak eta Barakaldo, Portugalete, Santurtzi eta Sestaoko Udalek osatzen duten Ezkerraldea Gaztedi plataformaren parte da ekimen hau, eta eskualdeko talentu gazteei babesa ematea eta sorkuntza artistikoa sustatzea ditu helburu nagusi.
Deialdia Barakaldon, Portugaleten, Santurtzin edo Sestaon erroldatutako 15 eta 29 urte bitarteko gazteei zuzenduta dago. Gainera, 30 urtetik beherako artistek parte hartu ahal izango dute, baldin eta aurreko edizioetan parte hartu badute 2019. urtera arte, urte hori barne.
Hautatutakoek beren lanak erakusteko aukera izango dute lau udalerrietatik barrena egingo den zirkuitu batean, aurtengo irailetik 2025eko urtarrilera bitartean. Horrela, beren lana jendeari ezagutarazteko plataforma bat izango dute.
Izena emateko epea ekainaren 15ean amaituko da. Interesdunek beren udalerrietako Gazteria Zerbitzuetan aurkeztu ahal izango dute eskabidea, beren datu pertsonalak eta ibilbide artistikoaren deskribapen laburra biltzen dituen fitxa bat osatuz. Izena emateko, hezkuntza@santurtzi.eus helbidera bidali beharko da eskatutako dokumentazioa.
Udalerri bakoitzak artista gazte bat aukeratuko du erakusketa aurkezteko. Erakusketa irailaren 13an hasiko da Barakaldon. Sestaon jarraituko du urriaren 21etik azaroaren 15era, Santurtzin azaroaren 19tik abenduaren 10era eta, azkenik, Portugaleten egongo da 2024ko abenduaren 13tik urtarrilaren 7ra.
Hasieratik, 44 artista gaztek parte hartu dute ekimen honetan, hainbat diziplinatan proposamenak aurkeztuz, hala nola pinturan, eskulturan eta argazkigintzan.
