Iruñeko Sarasate pasealekua aire zabaleko espazio galeria bihurtu da “Beste munduak” izeneko erakusketarekin. LaCaixa Fundazioak eta Iruñeko Udalak antolatuta, erakusketak eguzki-sistemaren ibilbide bisuala eskaintzen du 40 argazki handiren bidez.
Irudiak Michael Benson (1962) artista estatubatuarraren lana dira. Bensonek NASAren eta ESAren (Europako Espazio Agentzia) zundek ateratako zuri-beltzeko jatorrizko argazkiak koloretako mosaiko ikusgarri bihurtu ditu. Pieza bakoitza sortzeko, artista estatubatuarrak ehun irudi ezberdin arte konbinatu eta hainbat iragazki erabili behar izan ditu. Teknika horri esker, gorputz zerutiar ezberdinen etenik gabeko panoramikak sortu ahal izan ditu, Eguzkitik Saturnoren eraztunetara.
Beste munduak
Erakusketak Kataluniako Espazio Ikasketen Institutuko Kike Herreroren aholkularitza zientifikoa du eta LaCaixa Fundazioaren “Artea kalean” programaren parte da. 2006. urteaz geroztik, ekimen honek kultura eta zientzia ohiko erakusketa-espazioetatik kanpo publikoari gerturatzea bilatzen du.
Bisitariek ibilbidea askatasunez egin dezakete edo gaztelaniaz eta euskaraz eskuragarri dauden bisita gidatuetan parte hartu, bai taldeka, bai bakarka. Erakusketak espazioaren aniztasuna esploratzeko aukera ematen du Artizarreko sumendiak, Marteko haranak eta espazio-esplorazioko sei hamarkadatan zehar robotek hartutako beste formazio planetarioen irudien bidez.
Argazkia: CaixaForum
Advertisements
