Instagramek nerabeak sextorsiotik eta irudi intimoen abusutik babesteko segurtasun funtzio berriak abiaraziko dituela iragarri du. Neurri horien artean daude, adibidez, zuzeneko mezuetan biluziak hautemateko tresnak eta erabiltzaile gazteenentzako segurtasun-aholkuak.
Instagramek jada zuzeneko mezuetan biluzietatik babesteko tresna probatu du. Tresna hori aktibo izango da erabiltzaile guztientzat eta ikaskuntza automatikoa erabiliko du mezuetan bidalitako argazkietan biluziak dauden ala ez aztertzeko.
Egokiak ez diren edukiak antzematen direnean, irudia lausotuta bidaliko zaio hartzaileari, eta, bai igorleak, bai hartzaileak horrelako edukiak trukatzearekin lotutako arriskuei buruzko segurtasun-aholkuak jasoko dituzte. Horrez gain, bidalketa baliogabetzeko aukera eskainiko da eta irudi hori partekatu nahi duten erabiltzaileek mezu bat jasoko dute bidalketa horren inguruan hausnartzera animatuz.
Egokiak ez diren edukiak antzematen direnean, irudia lausotuta bidaliko zaio hartzaileari, eta, bai igorleak, bai hartzaileak horrelako edukiak trukatzearekin lotutako arriskuei buruzko segurtasun-aholkuak jasoko dituzte.
Instagrametik azaldu dutenez, “funtzio berriak zuzeneko mezuetan nahi ez diren biluziak ikustetik babesteaz gain, beste erabiltzaile batzuk engainatzeko edo trukean beren biluziak bidaltzeko biluzien irudiak bidaltzen dituzten iruzurgileengandik ere babestuko du”.
Erabiltzaileak nahi ez dituzten biluzien argazkiak jasotzetik babesteko, erabiltzaileak baimena eman beharko du irudia ikusi ahal izan baino lehen.
Funtzionalitate berri hori aldez aurretik aktibatuta egongo da 18 urtetik beherako erabiltzaile guztientzat eta jakinarazpen bat bidaliko die gainerako erabiltzaileei funtzioa aktibatzera animatuz.
Instagramek adimen artifiziala ere erabiliko du sextorsio iruzurretan parte hartzen ari diren kontuak identifikatzen laguntzeko, eta kontu horien eta adingabeen arteko interakzioak murriztuko ditu.
Instagramek gogorarazi du erabiltzaileen arteko elkarrizketek zifratuta egoten jarraituko dutela eta, beraz, sekretuak izaten jarraituko dutela.
