Iruñeak Kultur Aniztasunaren I. Astea hartuko du urriaren 14tik 19ra bitartean. Kultur aniztasuna agerian jartzea helburu duen egitasmo honen lehen ediziorako hainbat jarduera programatu dira: hitzaldiak, mahai-inguruak, kontzertuak, artisautza azoka… Horiez gain, Txileko Cueca dantza tradizionaleko XXI. Munduko Txapelketa ere programaren barruan izango da.
Astea Iruñeko Udalak antolatzen du Nafarroako Gobernuko Etxebizitzako, Gazteriako eta Migrazio Politiketako Departamentuarekin eta Hiri Inklusiboen Espainiako Sarearekin (RECI) elkarlanean.
Egitasmoa Iruñeko Udalaren Kultura Aniztasunaren eta Herritartasun Inklusiboaren I. Planetik sortu da. Planaren helburua da kultura-aniztasuna modu positiboan agerian jartzea. Jarduerak hiriko hainbat gunetan egingo dira, horietako asko aire zabalean, hala nola Sarasate pasealekuan, O-ko Andre Mari Zuriaren plazan eta Arrotxapeko baseball zelaian. Laguntzen duten erakundeen artean Fundación Secretariado Gitano, Gaz Kaló, Cofochilex, Gurutze Gorria eta hainbat kirol elkarte daude.
Programazioa
Astea urriaren 14an hasiko da, Munduko XXI. Cueca Txapelketako partaideei harrera eginez. Txapelketa hainbat egunetan zehar egingo da Gaztediaren Etxean, baina amaiera Barañaingo Auditorioan izango da hilaren 18an. Ekitaldi honetan Latinoamerikako hainbat herrialdetako eta munduko beste eskualde batzuetako hamabost ordezkarik parte hartuko dute. Cueca txapelketaz gain, Iruñeko kultur aniztasunari buruzko jarduerak ere izango dira egitarauan.
Urriaren 16an, David Martín historialariak eta Fundación Secretariado Gitanoko ordezkariek ijito-komunitatearen historiari buruzko hitzaldia emango dute.
Urriaren 17an, mahai-inguru bat egingo da RECI sareko adituekin, Nafarroako Etxebizitza eta Migrazio Politiketako Departamentuarekin eta Zaloa Basabe zinegotziarekin. Egun berean, Rosario Zanabriak, Emakumeen Sare Transnazionaleko presidenteak, kultur aniztasunarekin lotutako amen-omenei buruzko hitzaldia emango du.
Urriaren 18an, kultur arteko artisautza azoka izango da Sarasate pasealekuan. Eguna amaitzeko Goxua’n Salsa talde iruindarraren kontzertua izango da O-ko Andre Mari Zuriaren plazan.
Astearen azken eguna, urriaren 19an, Arrotxapeako baseball zelaian egingo den softball txapelketarekin hasiko da. Eta programazioari amaiera emateko, 19:00etaik aurrera, Sexu eta Genero Aniztasunaren aldeko Kulturarteko Jaialdia izango da Geltokin. Azken ekitaldi honek musikariak, DJak, batukadak eta drag ikuskizunak bilduko ditu, inklusioa eta aniztasuna bere forma guztietan sustatzea helburu duen jai giroan.
